(ನನ್ನ ಬರಹ ಸಂಗ್ರಹದಿಂದ)
ಪೂರ್ವಜರು!
ಹೀಗೆ ಒಂದು ಮುಸ್ಸಂಜೆ
ನನ್ನ ನೆರೆಮನೆಯಾತನನ್ನು ಕೇಳಿದೆ,
"ನಮ್ಮ ಪೂರ್ವಜರು
ಮಂಗಗಳಾಗಿದ್ದರಂತೆ, ಹೌದೇ?"
"ನನ್ನವರ ಬಗ್ಗೆ ಗೊತ್ತಿಲ್ಲ,
ನಿಮ್ಮವರ ಬಗ್ಗೆ
ಅನುಮಾನವಿಲ್ಲ!!"
ಎನ್ನುವುದೇ ಆ ಪ್ರಾಣಿ?
---------
ನಗು..?
ನೀನೇಕೆ ನಗಲಿಲ್ಲ ಹೀಗೆ ಅಂದು...
ನಾ ನಿನ್ನ ಮೊದಲ ದಿನ ನೋಡಿದಂದು?
ನಕ್ಕಿದ್ದರೆ, ಕಾಣಬಹುದಿತ್ತಲ್ಲೆ..
ಈ ನಿನ್ನ ವಕ್ರ ಹಲ್ಲು..
ಒಂದು ಹಿಂದು, ಒಂದು ಮುಂದು..
-------
ಕಂಪನಿ
ನಾ ಸತ್ತಾಗ,
ನನ್ನೊಡನೆ ಬರುವುದಿಲ್ಲ
"ನನ್ನವರು" ಈ ಲೋಕ ಬಿಟ್ಟು,
ಚಿತೆವರೆಗೂ
ನನಗೆ ಜೊತೆ,
ನನ್ನ ಹಲ್ಲಿನ ಸೆಟ್ಟು.!!!
---------
ಗತಿ
ಯ , ರ , ಲ , ವ
ಹೇಳಿಕೊಟ್ಟವನನ್ನೇ
"ಯಾರ್ಲಾ ಅವ?"
ಅನ್ನುತ್ತೆ
ಯುವ ಪೀಳಿಗೆ!!
------
ವ್ಯತ್ಯಾಸ
ಹೀಗೆ ಬರೆದರೆ,
ಭಾವಗೀತೆ.
ಹೀ
ಗೆ
ಬ
ರೆ
ದ
ರೆ,
ನವ್ಯ ಕವಿತೆ!!!
--------
ಕನಸು...!
ನನ್ನ ಮದುವೆಯಾಗುವ ಹುಡುಗ,
"ಕಪ್ಪ" ಗಿದ್ದರೂ ಪರವಾಗಿಲ್ಲ,
ನಾ ಮಾತನಾಡುವಾಗ,
"ತೆಪ್ಪ"ಗಿದ್ದರೆ ಸಾಕು!!!
------------------
ಸ್ಥಿತಿ?
ಹಿಂದೆ-
"ಸಿರಿಗನ್ನಡಂ - ಗೆಲ್ಗೆ"
ಈಗ -
"ಸಿರಿಗನ್ನಡಂ ?? - ಶ್....ಮೆಲ್ಲಗೆ!"
-------------------------
ಒಲ್ಲೆ!
ನನಗೆ ಬೇಡ
ಲಂಚ,
ಕುರ್ಚಿ,
ಕಪ್ಪು ಹಣ!
ಅವರಾಗೆ ಕೊಟ್ಟರೆ,
ಬೇಡ-ಎನುವುದಿಲ್ಲ,
"ಗೌರವ" ಧನ,
ಮಂತ್ರಿ ಸ್ಥಾನ,
ಆಗಾಗ
ವಿದೇಶ ಪ್ರಯಾಣ!
--------------
ಸಾಕ್ಷಿ
ನಮ್ಮ ಪ್ರೀತಿಯ ಕುರುಹಿಗೆ,
ಕಟ್ಟಿಸಬೇಕಾಗಿಲ್ಲ ತಾಜ್ ಮಹಲ್ಲು,
ಬೇಕಾದರೆ ನೋಡು ಸಾಕ್ಷಿಗೆ ,
ನಾ ಕಟ್ಟುವ ಮೊಬೈಲ್ billಉ !
-------
ವಚನ
ನಮ್ಮ ದಾಂಪತ್ಯ
ದಲ್ಲೂ ವಚನ ಸಾಹಿತ್ಯವೇ!
ನನ್ನವಳ "ಬಹು"
ವಚನಗಳೆಲ್ಲಾ ಮುಗಿದ ಮೇಲೆ,
ನನ್ನದು ಬರಿ "ಏಕ"
ವಚನ.."ಆಗಲಿ" ಎಂದು!
--------
ವರ್ಷಾಂತರ
ಅಂದು,
ಮಧು ಮಂಚದಲಿ
ಕಾಯುತ ನನಗಾಗಿ ನೀನಿದ್ದೆ.
ಇಂದು,
ನಾ ಕೋಣೆಗೆ ಬರುವ ಮೊದಲೇ
ನೀ
ನಿದ್ದೆ !
- ಗಿರೀಶ್ ಜಮದಗ್ನಿ
(girish.jamadagni@gmail.com)
7 comments:
sir,
ha ha ha ha tumba chennagide.. nage hanigaLu tumba istavadavu...ondakinta ondu ellavu chennagive..
dhanyavadagaLu..
Neevu barediruva hanigavanagalu manassige mudaa needitu.
manasu & SSK,
nimma anisikege dhanyavaadagaLu. heege bhETi neeDuttiri.
marvalous jokes
ಸುಂದರವಾಗಿದೆ, ಚೆನ್ನಾಗಿದೆ ಹನಿಗವನಗಳು
ಇಂದ ಗಿರೀಶ್ ಶಮಱ
Super agide ennu hecchu hanigavana kalisi pls
Super agide ennu hecchu hanigavana kalisi pls
Post a Comment